المساعد الشخصي الرقمي

مشاهدة النسخة كاملة : ابحث عن طريقة عمل الكفتة بالبرغل



ام المسلم
02-16-2008, 03:11 PM
السلام عليكم ورحمة الله
ممكن مساعدة لمقادير وطريقة الكفتة بالبرغل
وجزاكم الله خيرا

منايا رضى الرحمن
02-16-2008, 07:30 PM
وعليكم السلام ورحمة الله وبركاته
اختنا الفاضلة ام مسلم وجدت هذه الطريقة فى احد المنتديات ان شاء الله تفيدك

السلام عليكم ورحمة الله وبركاته،،

كفته البرغل



نص كيلو لحمه مفرومه

نص كوب برغل مغسول جيداا جداااا ( دى خطوه مهمه جدااا)

ينقع لمده ساعه على الاقل فى الماء
( ممكن تغسليه و تخلطيه باللحم على طول بس بشرط تعمليها كده من بليل)

تخلطى البرغل مع اللحمه و تضيفى اليها الملح و الفلفل و البهارات ( البهارات اساسيه دايما مع الكفته)

تعجنيها كويس جداا لحد ما تتاكدى انها اختلطت جيد جداااااااااااااااااااااااااااااا

خلاص كده جاهزه
شوفتى سهله و سريعه ازاى



طريقه عمل الاصابع بقى :


على اى شىء اسطوانى رفيع ( انا بعملهاا على يد الملعقه الخشبيه الصغيره تلفى قطعه كفته مناسبه علىيهاا و تضغطى عليها جيداا و برفق تسحبيها للخارج حتى تنفصل غن يد الملعقه


يارب اكون عرفت اوصلك ازاى تعملى صباع الكفته و تطلعيه من على اليد

لو ما عرفتى قوليلى و انا اشرح هالك بطريقه مختلفه


المهم خلصى الكميه و رصيها فى صنيه يفضل تيفال
ان لم يوجد خلاص عادى اى صنيه
المهم ادهنيها بالسمن


رصى اصابع الكفته متلاصقه و لا يهمك مع النار تفصل عن بعضها

دلوقتى تسويها على النار و لا فى الفرن؟
انا شخصيا بسويها من فوق على الناررر

حطى الصنيه على نار متوسطه و خدى بالك منهاا لما تستوى حاولى تقلبى الكفته على الوجه الاخر

فى الوقت ده تكونى حطه قطعه فحم على النار حتى تصل الى درجه الاحمرار

اول ما تطفى على الكفته فورااا
تضعى طبق عمبق صغير(زى طبق جيلى او مهلبيه ) يكون فيه سمن ساخن ضعيه و يط الصنيه بين اصابع الكفته
و ضعى فيه الفحم و غطى الصنيه بسرعه و لا تكشفيها الا بعد ان ينتهى كل الدخان
يعنى حوالى ربع ساعه
و ممكن طريقه تانيه دى الى انا بعملها دايما هى اسرع و اسهل
وسعى مكان بين اصابع الكفته و ضعى الفحم فى و سط الصنيه على السمن الناتج من الكفته و غطى بسرعه


و برضه تسبيها ربع ساعه قبل ما ترفعى الغطا


خلاص كده انتهى
قدميها بقى على طبق مغطى بالبقدونس المفروم


و معاها سلطه الطحينه

ام المسلم
02-16-2008, 08:09 PM
جزاك الله خيرا لكن موضوع عمل الاصابع ممكن ابرمها على اليد مباشرة اسهل
ومن اين احصل على الفحم؟
على اى حال جهد مشكور وربنا يجعله فى ميزان حسناتك ويبارك فيك

عزتى فى إلاسلام
02-22-2008, 06:36 PM
السلام عليكم اختى ام عبد الرحمن
سهل الله طريقك للجنة كما تسهلى لنا عمل الوجبات الصعبة علينا

منايا رضى الرحمن
02-22-2008, 08:29 PM
السلام عليكم اختى ام عبد الرحمن
سهل الله طريقك للجنة كما تسهلى لنا عمل الوجبات الصعبة علينا
وعليكم السلام ورحمة الله وبركاته

اللهم امين جعلنا الله واياكم من أهل الجنه اللهم امين

مجاهدة
03-12-2008, 12:24 PM
السلام عليكم ورحمة الله
ممكن مساعدة لمقادير وطريقة الكفتة بالبرغل
وجزاكم الله خيرا

اختى الحبيبة بالاضافة الى ما ذكرته اختنا ام عبد الرحمن جزاها الله خيرا

فان هناك ايضا الكبيبة لو تقصدى كفتة بالبرغل فالكبيبة ايضا نفس الفكرة و هى شهية جدا و محببة للجميع

هذه صورتها

http://food.fatakat.com/photos/74.jpg

و هذه الطريقة منقولة :

الكمية تكفي: 3 أشخاص

وقت التحضير: 30 دقيقة

وقت الطهي: 10 دقائق

المقادير: 1/2 كيلو لحم مفروم
1/2 كيلو برغل
1 بصلة مفرية + 3 م ك زيت
ملح وفلفل
زيت غزير للتحمير


التحضير: 1- ينقى البرغل وينقع حتى يصير طريا نوعا.
2- يصفى البرغل ويفرم حتى يصبح ناعما.
3- يضاف ثلثي مقدار اللحم على البرغل ثم يفرى الجميع مرة ثانية ويتبل الخليط بالملح والفلفل.
4- يتم عمل العصاج من الثلث المتبقي من اللحم وذلك بتشويح البصلة في الزيت حتى تذبل وإضافة اللحم وتقليبه من آن لآخر على نار هادئة حتى يتشرب الماء الذي خرج منه ويتبل بالملح والفلفل.
5- يشكل خليط اللحم والبرغل على شكل أصابع كبيرة أو كرة تفرغ من المنتصف وتحشى بالعصاج ثم يغلق عليها بإتمام شكل الإصبع أو شكل الكرة.

الطبخ: تحمر الكبيبة في زيت غزير ساخن حتى يحمر ويصفى من الزيت الزائد ثم يقدم على فرشة من البقدونس.

ملاحظات: ينقع البرغل ولا يغلى ويصفى جيدا.